Presentación da candidatura de E.U. Ourense.

Presentación da candidatura de Esquerda Unida á alcaldía de Ourense.

O pasado venres día 8 ás 11.00h na sede de EU en Ourense, presentouse a candidatura de Esquerda Unida ás eleccións municipais do 22 de maio. Esquerda Unida en Ourense pon todas as súas forzas para acadar o maior número de concelleiros posibles e facer mudar as políticas en prol de Ourense e darlle a voz a todos os seus veciños.

Jon Sáez García, estudante de Ciencias Políticas de 22 anos, encabeza unha lista repleta de compromiso, xuventude e experiencia. O candidato esbozou as liñas xerais do programa electoral e as propostas de EU. Tamén denunciou as situacións que no día a día se atopan e sofren os ourensáns, tales coma enorme perda de poboación na provincia, a excesiva contaminación dos nosos rios, os salarios indecentes dos políticos locais e provinciais, o colapso da sanidade en todo Ourense ou a mala xestión do transporte e a mala distribución das liñas de autobús e a falta de máis medios de transporte público.